News Updates

വലിയവിളക്കാഘോഷം ഭക്തിസാന്ദ്രമായി

അവിട്ടത്തൂര്‍ ; അവിട്ടത്തൂര്‍ മഹാദേവക്ഷേത്രത്തിലെ ഉത്സവത്തിന്റെ വലിയവിളക്കാഘോഷം ഭക്തിസാന്ദ്രമായി.രാവിലെ 9 മുതല്‍ ആരംഭിച്ച 7 ആനകളോട് കൂടിയ ശിവേലിയ്ക്ക് പെരുവനം സതീശന്‍ മാരാരുടെ നേതൃത്വത്തിലുള്ള പഞ്ചാരിമേളം താളലയം തീര്‍ത്തു.പുതുപ്പള്ളി കേശവന്‍ ഭഗവാന്റെ തിടമ്പേറ്റി.ഉച്ചയ്ക്ക് പ്രസാദഊട്ടിന് ശേഷം വിദ്യാദരന്‍ മാസ്റ്റര്‍ നയിക്കുന്ന ഭക്തിഗാനമേള തുടര്‍ന്ന് രാത്രി 8.30ന് വിളക്കെഴുന്നള്ളിപ്പ്.ഞായറാഴ്ച്ച നടക്കുന്ന പള്ളിവേട്ട ഉത്സവത്തിന് രാവിലെ ശിവേലിയ്ക്ക് പെരുവനം കുട്ടന്‍മാരാരുടെ നേതൃത്വത്തില്‍ പഞ്ചാരി മേളം,വൈകീട്ട് തിരുവാതിരകളി,കലാമണ്ഡലം ഗീതാനന്ദന്‍ പാര്‍ട്ടിയുടെ ഓട്ടന്‍ തുള്ളല്‍.രത്രി 9ന് പള്ളിവേട്ട എഴുന്നള്ളിപ്പ്,10ന് ചെറുശ്ശേരി ശ്രീകുമാറും സംഘവും പഞ്ചവാദ്യം എന്നിവ ഉണ്ടാകും.തിങ്കളാഴ്ച്ച ക്ഷേത്രകുളമായ അയ്യന്‍ചിറയില്‍ ആറാട്ടേടെ 10 ദിവസത്തേ ഉത്സവം സമാപിയ്ക്കും.

അവിട്ടത്തൂര്‍ മഹാദേവക്ഷേത്രത്തിലെ ശ്രീരുദ്രം ഹാള്‍ സമര്‍പ്പിച്ചു.

അവിട്ടത്തൂര്‍ : അവിട്ടത്തൂര്‍ മഹാദേവ ക്ഷേത്രത്തിലെ പുതുതായി പണികഴിപ്പിച്ച ഹാള്‍ ‘ ശ്രിരുദ്രം ‘ ഹാള്‍ സമര്‍പ്പണ ചടങ്ങ് നടന്നു.ക്ഷേത്രം തന്ത്രിമാരായ തെക്കേടത്ത് പെരുമ്പടപ്പ് ജാതവേദന്‍ നമ്പൂതിരി,വടക്കേടത്ത് പെരുമ്പടപ്പ് കേശവന്‍ നമ്പൂതിരി,ഓട്ടൂര്‍ മേക്കാട്ട് നാരായണന്‍ നമ്പൂതിരി എന്നിവര്‍ ചേര്‍ന്നാണ് ഹാള്‍ സമര്‍പ്പണം നടത്തിയത്.ക്ഷേത്രം പ്രസിഡന്റ് എ സി ദിനേശ് വാര്യര്‍ അദ്ധ്യക്ഷത വഹിച്ച ചടങ്ങില്‍ സെക്രട്ടറി എം എസ് മനോജ്,വി പി ഗോവിന്ദന്‍കുട്ടി,സി സി സുരേഷ് എന്നിവര്‍ സംസാരിച്ചു.

അവിട്ടത്തൂര്‍ മഹാദേവക്ഷേത്രേത്സവം കലാപരിപാടികളുടെ ഉദ്ഘാടനം നടന്നു

ഇരിങ്ങാലക്കുട : അവിട്ടത്തൂര്‍ മഹാദേവക്ഷേത്രത്തിലെ ഉത്സവത്തോട് അനുബദ്ധിച്ച് നടന്ന കലാപരിപാടികളുടെ ഉദ്ഘാടനം ചലച്ചിത്രതാരം സഞ്ജു ശിവറാം നിര്‍വഹിച്ചു,ക്ഷേത്രം പ്രിസിഡന്റ് എ സി ദിനേഷ് വാരിയര്‍ അദ്ധ്യക്ഷത വഹിച്ചു,എം എസ് മനോജ്,വി പി ഗോവിന്ദന്‍കുട്ടി,വി വി ഉണ്ണികൃഷ്ണന്‍ നമ്പൂതിരി,ടി ശിവകുമാര്‍,സി സി സുരേഷ് എന്നിവര്‍ പ്രസംഗിച്ചു.

 
 
അവിട്ടത്തൂര്‍ മഹാദേവ ക്ഷേത്രോത്സവത്തിന് കൊടിയേറി

ഇരിങ്ങാലക്കുട : 10 നീണ്ട് നില്‍ക്കുന്ന അവിട്ടത്തൂര്‍ മഹാദേവ ക്ഷേത്രോത്സവത്തിന് കൊടിയേറി.8.30നും 9 നും മദ്ധ്യേയുള്ള ശുഭമുഹര്‍ത്ത്വത്തില്‍ നടന്ന കൊടിയേറ്റ കര്‍മ്മത്തിന് കൂറയും പവിത്രവും കുറിയേടത്ത് രുദ്രന്‍ നമ്പൂതിരി നല്‍കി.തന്ത്രി തെക്കേടത്ത് പെരുമ്പടപ്പ് ജാതവേദന്‍ നമ്പൂതിരി കൊടിയേറ്റം നിര്‍വഹിച്ചു.നൂറ് കണക്കിന് ഭക്തജനങ്ങളാണ് കൊടിയേറ്റത്തിന് സാക്ഷ്യം വഹിയ്ക്കാന്‍ എത്തിയിരുന്നത്.തുടര്‍ന്ന് നടന്ന കൊടിപ്പുറത്ത് വിളക്കിന് കരിവന്തല ഗണപതി തിടമ്പേറ്റി.ഉത്സവം ജനുവരി 29ന് സമാപിയ്ക്കും.

അവിട്ടത്തൂര്‍ മഹാദേവ ക്ഷേത്രോത്സവം ജനുവരി 20 മുതല്‍ 29 വരെ

ഇരിങ്ങാലക്കുട : കേരളത്തിലെ പ്രശസ്തമായ മഹാദേവക്ഷേത്രങ്ങളിലെന്നായ അവിട്ടത്തൂര്‍ ശിവക്ഷേത്രത്തിലെ തിരുവുത്സവം ജനുവരി 20ന് കൊടികയറി 29ന് ആറാട്ടോട് കൂട് സമാപിയ്ക്കും.20ന് സന്ധ്യയ്ക്ക് കാവ്യകേളി,7ന് കലാപരിപാടികളുടെ ഉദ്ഘാടനം ചലചിത്രതാരം സഞ്ജു ശിവറാം നിര്‍വഹിയ്ക്കും.രാത്രി 8.30ന് കൊടിയേറ്റം തുടര്‍ന്ന് നൃത്തനൃത്തങ്ങള്‍ 10.15ന് കൊടിപുറത്ത് വിളക്ക്.21ന് സന്ധ്യയ്ക്ക് സംഗീതാര്‍ച്ചന,നൃത്തനൃത്തങ്ങള്‍, 22ന് രാത്രി 7.30ന് നാട്ട്യരങ്ങ് അവതരിപ്പിക്കുന്ന നൃത്തനൃത്ത്യങ്ങള്‍, 23-ാം തിയ്യതി സന്ധ്യയ്ക്ക് 6.45ന് സുപ്രസിദ്ധ സിനിമാതാരം ദേവീചന്ദന അവതരിപ്പിക്കുന്ന നൃത്തസന്ധ്യ, 24-ാം തിയ്യതി 6.45ന് ചലച്ചിത്ര പിന്നണി ഗായകരായ എടപ്പാള്‍ വിശ്വനാഥ്, റീന മുരളി, ഇന്ദുലേഖ തുടങ്ങിയവര്‍ അവതരിപ്പിക്കുന്ന ഗാനസന്ധ്യ, 25-ാം തിയ്യതി കണ്ണൂര്‍ ജയശ്രീ രാജീവും സംഘവും അവതരിപ്പിക്കുന്ന ക്‌ളാസിക്കല്‍ ഫ്യൂഷന്‍, 10.30ന് കിരീതം കഥകളി, 26 വെള്ളിയാഴ്ച രാവിലെ കാണിക്കയിടല്‍ മാതൃക്കല്‍ ദര്‍ശനം, വൈകീട്ട് 7ന് മട്ടന്നൂര്‍ ശ്രീരാജ് നയിക്കുന്ന തായമ്പക, 10.30ന് തിരുവന്തപുരം അക്ഷരകലയുടെ നാടകം എഴുത്തച്ചന്‍ എന്നിവ ഉണ്ടായിരിക്കും. എട്ടാം ഉത്സവമായ 27 ശനിയാഴ്ച രാവിലെ 9 മുതല്‍ 12.30 വരെ ഏഴ് ആനകളോടുകൂടിയ ശീവേലി, മോളകലാനിധി പെരുവനം സതീശന്‍ മാരാര്‍ നയിക്കുന്ന പഞ്ചാരിമേളം, പ്രസാദ ഊട്ട് എന്നിവ നടക്കും. വൈകീട്ട് 7 മണിക്ക് പിന്നണി ഗായിക ഹരിത ഹരീഷ്, പെരുമ്പാവൂര്‍ ഷൈന്‍, അഖില്‍ ചന്ദ്രശേഖര്‍ തുടങ്ങിയവരുടെ ഭക്തിഗാനമേള സംഗീത സംവിധായകന്‍ വിദ്യാധരന്‍ മാസ്റ്റര്‍ നയിക്കുന്നു. രാത്രി 8.30ന് എഴുന്നെള്ളിപ്പും 10മുതല്‍ ചെറുശ്ശേരി ശ്രീകുമാര്‍ മാരാര്‍ നയിക്കുന്ന പഞ്ചവാദ്യവും, രാത്രി 12ന് പാണ്ടി മേളവും ഉണ്ടാകും. പത്താം ഉത്സവമായ 29 തിങ്കളആഴ്ച രാവിലം ക്ഷേത്രകുളമായ അയ്യന്‍ചിറയിലേക്ക് ആറാട്ട് എഴുന്നള്ളിപ്പ്, 10 മണിക്ക് ആറാട്ട്, തുടര്‍ന്ന് കൊടിക്കല്‍പറ, ആറാട്ടുകഞ്ഞി വിതരണം എന്നിവയും നടക്കും. പത്തു ദിവസവും രാവിലെ ശീവേലിയും രാത്രി വിളക്കെഴുന്നള്ളിപ്പും ഉണ്ടായിരിക്കും. സെക്രട്ടറി എം.എസ്. മനോജ്, ട്രഷര്‍ വി.പി.ഗോവിന്ദന്‍കുട്ടി, പബ്‌ളിസിറ്റി ചെയര്‍മാന്‍ സി.സി.സുരേഷ് എന്നിവര്‍ പത്രസമ്മേളനത്തില്‍ പങ്കെടുത്തു.

First
 
Previous
  1  
Next
 
Last